උන්මත්තකියක නොවේ ඈ......

 

(මාර්ගස්ථ අධ්‍යාපනයේ දුෂ්කරතාවයෙන් පෙළෙන සිසුවියකගේ සත්‍ය කතා පුවතක් මත පදනම් වූ කවි සිතිවිල්ලකි.)

 ගිනිගහන මද්දහනෙ

 තාර පදමට රත්වෙලා

 හිසද ගිනියම් වී 

 දෙපතුල ද 

 ඉරිතැලී

 නොනවත්වාම

 ලේ ගලනවා............

මොරසූරන වරුසාවේ

කුඩය ඉහළ ගනිමින්

පුටු දෙකකුයි

පොත් ටිකකුයි අරන් ඈ

නොනවතින ගමනක 

හතිලමින් 

දුවනවා........

දූරස්ථයට අභියෝගයක්ව 

මූසිලයන්ගේ 

රැවුම් ගැරහුම් බසින් මිරිකී

සෝ සුසුම්ලමින් ඈ

අකුරු උගනීයි

මහපාරේ..........

ඉරෝ දිසානායක...✍️

සමාජීය විද්‍යා හා භාෂා පීඨය

ශ්‍රී ලංකා සබරගමුව විශ්වවිද්‍යාලය.