යඳම් බැඳ දොර අගුළුලා නැති
මායිමේ හිර විසල් බැමි නැති
රැකුම් ගෙයකුත් මුරට නම් නැති
නමින් හසල අකුරු මෙහි ඇති
ඉරට හඳටත් විවර නොවු නැති
දෙපස බිත්තිද විසල් නොවු නැති
ඇමති උතුමන් දැකලවත් නැති
සිප් හලකි මෙය තරඟයක් නැති
නැති තනියට නයනා අද නැති
සරෝජා කෝවිලේ වෙන් නැති
අහමඩ්ගේ තොප්පියත් බර නැති
සමන් හේනේ අදත් වැඩ ඇති
ගුරුතුමිය මග තාම එනව ඇති
ගුරු පාර වැස්සට බිඳිල වෙන්නැති
වන අලින් ඒ යැයි සැකක් නම් ඇති
වන කැළේමයි මෙහෙව් දුක් ඇති
සිල්ප සිහින මෙහි සිදී ඇති
ඇල්ම පමණක් හිතේ තෙර පෙති
ගෙවූ කඩ ඉම් සිහින බොර වෙති
සමගියෙන් උන් ජාති කුල නැති
ඉරෝ දිසානායක ✍️
සමාජීය විද්යා හා භාෂා පීඨය.
ශ්රී ලංකා සබරගමුව විශ්වවිද්යාලය.
No comments:
Post a Comment